YEH BHI MAIN MAAN
LETA HOON
Dheere Dheere yeh hamari umar bhi beetati
jaati hai,
Lekin ye jindagi ab ek yaadon ki kitaab banti
jaati hai.
Kabhi unki yaad bahut sataati aur taddpaati
bhi hai,
Par kabhi to yaadon ke sahare hi ye jindagi
kat jaati hai.
Kuchh bhi sochta hoon to unka hi khayaal
aajaata hai,
Kuchh kahtaa hoon to unka naam jubaan pe
aajaata hai.
Jab apne dil ki baat bayaan karta hoon to
dard hota hai,
Kyun ki ab mere har saans mein unka ehsaas
aajaata hai.
Ab jab kabhi doobta hoon to samandar ko
dosh deta hoon,
Jab thokare khake girta hoon to patthar ko
dosh deta hoon.
Unke jaane ke baad main kaysa ajeeb insaan
ho gaya hoon,
Ab jab kuchh kar nahin paataa to qismet ko
dosh deta hoon.
Pyaar wo hamko bepanah kar gaye ab unki
yaad jaati nahin hai,
Par aysa tha to phir wo hamko is tarah tanha
kyun kar gayi hai?
Sab din se yeh chaahat thi ki unke ishq mein
fanaa ho jaawoon,
Par wo mujhe yeh karne ko mana kar gayi ab
main kya karoon?
Pal pal taraste the jis pal ke liye wo pal aaya
kuchh pal ke liye,
Socha tha ki us pal ko main rok hi loonga
yahan har pal ke liye.
Hua wahi jo pal ki baat thi wo pal na ruk saka
ek bhi pal ke liye,
Ab pal pal taraste rahate hain unke us pal ko
phir paane ke liye.
Ab hamara yeh foota qismet kuchh badlaa
nazar aataa hai,
Mujhko door door tak unki yaadon ka lakeer
nazar aataa hai.
Kya padhoon aur kya likhoon kuchh samajh
nahin aataa hai,
Ab to mujhe har kitaab mein unka hi tasveer
nazar aataa hai.
Ab kis hadd tak hamko jaana hai yeh main
nahin jaanta hoon,
Kis manjil ko hamko paana hai yeh bhi main
nahin jaanta hoon.
Jitna bhi jindagi bacha hai unki yaadon ko hi
le kar jeena hai,
Kis roj hamari saans bhi ruk jaaye is baat ko
kaun jaanta hai.
Doston ka kahna hai bhulaa do sab beete
huwe apne kal ko,
Apne dil mein basawo ab naye umang aur
aane waale kal ko.
Kahten hain ki hanso aur hansaawo chaahe jo
bhi wo pal ho,
Khushiyan leke aajaayengi tum bhool jaawoge
apne us kal ko.
Saath hamara pal bhar ka tha par us kal ke
tarah koi kal nahi,
Ho jaaye shayad phir milan hamara wo nahin
to unki yaad sahi.
Ab kuchh is tarah main ne apne is jindagi ko
aasra de diya hai,
Unse maafi maang li hai aur apne aap ko bhi
maaf kar diya hai.
Wo chahe door ho ya paas ho lekin apne dil se
dua karte hain ham,
Yeh mera pyar ka farz hai jo ab ghar bayth kar
ada karte hain ham.
Unki madhur yaad ab saath rakhte hain unko
pyar karte hain ham,
Chahe khushi ho ya gham sah lenge, unko hi
yaad karte hain ham.
Apne toote dil ke sabhi aawaazon ko
khaamosh karta rahta hoon,
Dil tadapta hai nigahen intzar karti hain unko
bhi manaa leta hoon.
Sirf paane ka naam ishq nahi aysa main logon
se suna karta hoon,
Kuchh khone ko bhi to duniya pyar kaheti hai
yeh maan leta hoon.
@
Jis din wo is duniyan se gaye ham to ham yeh
sara aalam bahut roya tha,
Aakhir yeh aansoo rukte kayse hamne apna
sab se pyaara sitara khoya tha.
AAJAAWO
Chhattees maheeno se in jaagi aankhon ko ek
baar sulaane aajaawo
Manta hoon ki ab tumko meri koi fikar nahin to
naf rat hi jataane aajaawo
Jis mod par hamko chor gaye the ham yahin
baythe ab tak soch rahe hain
Koun si bhool huyi thi hamse kyun juda huye
bas yahi samjhaane aajaawo.