‘MERE AATMA KI PUKAAR’
‘CHAL AKELA CHAL’
This is the Hindi version of the ‘Songs Of My Soul’ created regularly after the passings away of my beloved wife Saroj. This creativity was one of the means and ways of healing my sorrows and loneliness. Every piece was meticulously constructed compassionately whenever I had an urge to sing her praise to honour and pray for my Pretty Lotus. I had to use my own language of Hindustani because for me there were no other equivalent emotions in any other language.
This presentation will be published on various media for my friends, relatives and family members to ascertain the extent of our love and living over the last fifty five years. We had a few ups and downs in our life but my Pretty Lotus only guided me to move forward and upwards and enjoy our family life to the maximum.
She was my wife, my life and my God sent that Angel who tamed me and gave me a brilliant life. For all her guidance I salute my treasured companion. She will remain so for the rest of my life. Wherever you are, I love you darling.
MERE AATMAA KI PUKAAR ek mere naye rachnawon ya kavitawon ka sangrah hai jisko hamne apne swargiye patni Saroj Devi ke nidhan ke baad likhna shuru kiya tha. Pichale teen warshon mein hamne na jaane kitne kavitawon ko unke liye racha hai jisse hamko shantwana miley aur hamare mann ko shanti aur sukoon prapt ho. Yahi hamare liye ek aysa upay tha jisse main apne tanhaai mein unke saath hi rahen aur unse hamara taaluk waysa hi bana rahe.
Ham ne apne is uddeshy ko pura karne mein pure taur se kaamyaab huye hain aur us manzil tak pahunch gaye hain jahan mera aur unka sambandh amar ho gaya hai. Wo maar kar bhi hamare saath hain aur yahi ek karan hai ki main aaj bhi jinda hoon warna unke viyog mein main kab ka guzar gaya hota.
Mere is vichaar ka namoona in rachnaawon ko padhne waalon ko in tamaam kavitawon mein milega jinko ham ne bade lagan aur chaahat se racha hai. Mere har ek shabdh mein gahraayi to hai hi lekin un sab mein ham dono ka atoot pyar koot koot kar bhara gaya hai.
Agar unka nidhan nahin hua hota to shaayad main apne aantrik prem ko is tarah darsha nahi pata kyunki wo mere paas hi rahti aur in sab bhavna purn shabdon ki jarurat ki nahi padti. Ham to paraspar ek dooje ke liye apna pyar niuchhawar karte rahte. Lekin hamara viyog ham ko kavita ka sahara lene se majboor kar diya hai. Agle janam mein jab ham phir milenge to is adhoori prem kahaani ko poori karenge.
Tab tak ke liye main apne ayse hi bhavik rachnawon se apne dil aur dimaag ki sabhi muradon ki purti karta rahunga. Meri bhi jindagi bahut lambi nahin hai lekin jab tak yeh jeewan hai main unki aradhna mein bade prem se bita doonga. Yahi unki khwaahish thi aur meri bhi yahi tamanna hai.
Ham ne ek dusare se atoot pyar kiya tha, apna paariwarik kartavye nibhaya tha aur samaaj sewa kar ke apne sabhi muraadon ko pura kiya tha. Hamara koi bhi aysa ikchha nahi rah gaya tha jisko hamne pura nahi kar paya tha. Haan agar aur din wo jeeti rahti to mera bhi uddhaar ho jaata.
Kripaya in rachnawon ko padhiye aur agar in mein se koi shiksha nikalti ho to yeh mera saubhagye hoga. Yaad rahe pawitr pyar koi aasaan manzil nahin hai kyun ki us ke liye laakhon kurbaani ki aawashyakta hoti hain. Ham ne to apna pyar ko amar kar diya ab is sansaar ken aye peedhi ke logon ki baari hai. Chalo ham is duniyan ko apne pawitr pyar se bhar de aur sada khush rahen.