Mere Aatmaa Ki Pukaar-Chal Akela Chal by Dr Ram Lakhan Prasad - HTML preview

AGLE SAAWAN MEIN

LE JAANAA

Bahut dino par aaj waarish ho rahi hai

Na jaane yeh mann kyun pulkit hota hai

Dhire dhire phir baadal jamke barsa hai

In boondon se kaysi masti chha gayi hai

Ham dono waarish ko ayse pyaar kiye the

Baraamde mein bayth kar mauj karte the

Par aaj kyun ye judaai mujh par aagayi hai

Aaj ka waarish hamko bada tadpaata hai

Mera shubh chintak hamse door hua hai

Mera jeewan saathi mujhse bichhada hai

He saawan ke baadlon unko bula ke laawo

Mere pyaar ko is mausam mein leke aawo

Wo waapas aajaayengi waarish tham jaayega

Ham pyaar karenge waarish khush ho jaayega

Haanthon mein ab ham dono ka haanth hai

Mera pyaar ab yahaan mere saath saath hai

Yeh saawan jhoom ke gaayega gale lagaayega

Hamaare bheege badan mein aag lag jaayega

Bahut dino par aaj phir waarish ho rahi hai

Na jaane mann mera kyun pulkit ho raha hai

Yeh tann mann bahak gaya tha lahron mein

Bahaka mann tadap gaya tha ek chhan mein

Ay saawan ke baadalon tum ab sthir ho jaawo

Waarish ko roklo aur ab waapas chale jaawo

Sajni mere saath hai unko nahin le kar jaanaa

Agle saawan mein jab aana to unko le jaanaa.

@

UNHI SE MUJH KO

PYAAR RAHA

Unka un dino paas aana mere jeene ki wajah

ban gayi thi

Unki madhur muskaan aur lagan mere dil ki

sada ban gayi thi

Un dino mere dil ke dhadkano par koi jor na

tha wo unka ho gaya tha

Khud b khud najaane kab aur kayse mujhe

unse pyaar ho gaya tha

Bin dekhe unhen din mein na chain milta tha

raat mein bechaini thi

Kab aank khule kab subah ho akhir deedaar

unki ho jaati thi 

Dil ki dhadkan badhti gayi hamaara pyaar bhi

jatil hota gaya

Dil ko karaar aa gaya jab mere panapte pyaar

ka izhaar ho gaya

Mere paheli pyaar ki subah ho gayi mujhko

manjil mil gayi

Har pal har ghadi mere pyaar ki jeet huyi aur

unki ikraar ho gayi 

Pyaar mein haal mera behaal hua kayse

kahoon unse pyaar hua

Muskuraana bhi ek nazakat hai jisko dekh ke

mujhe josh hua

Bas le kar unke haanth mein haanth viwaah

ke liye taiyaar hua

Dil ke armaan sab poore ho gaye jeewan apna

saakaar hua

Paariwaarik jeewan khill uthi ab pyaar mein

koi fikar hi na raha

Kabhi nahin dara main kahne se ki unhi se

mujh ko pyaar raha 

@

Sab jaante hain ki mere paas likhne ke

liye shabdhon ki kami nahin hai

Lekin pyaar ke pawitrata ko bayaan

karne ke liye kuchh bhi nahin hai

Padhne waale to aaj tak meri khaamoshi

ko hi nahi samajh paaye hai

Wo meri rachnaawon ko kayse samjhenge

yeh mujhko pata nahin hai.