Mere Aatmaa Ki Pukaar-Chal Akela Chal by Dr Ram Lakhan Prasad - HTML preview

DER NA HO JAAYE MILNE

MEIN

Yahan andhera wahan andhera ab ruk jaata

hoon main is andhere mein

Abhi chalne ko hazaaro kadam hai par kayse

badhoon andhere mein

Peechhe muddoon ya aage badhoon saakaar

nahin hai mann mein

Wo hoti to raah dikhaati main chalta rahta

unke hi dhun mein

Pichhle sab sammohan swar ab ubhar ubhar

aate hain mann mein

Batur gaye the us pal sab jab ham rahe apne

pratham pyaar mein

Kintu ab yeh andhera khatak raha hai raah

na milta jeewan mein

Sab sahaara chhoot gaya ab atak gaya hoon

durlabh maarg mein 

Jaanaa hai unke paas to der na kar musafir

aage chalne mein

In andhere raahon ke us paar milenge kitni

roshni aalam mein

Ruko nahi, jhuko nahi himmat baandho apne

mann mein

Rukne se tere unke beech kahin der na ho

jaaye milne mein.  

 @

SAB PAR HOTA YAHI

Unke praan pakheru udd gaye kisi ne na

dekha

Main dard mein tha is liye hamne bhi na

dekha

Hosh hota aur josh hota to praan pyaari ko

rok leta

Jo kabhi pahle kisi ne na ki wo shaayad main

kar leta 

Der ho gayi fer ho gayi us praan ko jaane ki

ber ho gayi 

Rukti kahan hai unki ghadi jin ki samay aa

gayi  

Aysa laga wo abhi hi aayi thi abhi hi chali gayi

Main poochhta raha rab se meri jaan kahan

gayi

Jindagi khill jaati jo rah lete do chaar pal hi

sahi

Kitna jaldi yeh jindagi dhalti hai sab par hota

yahi

@

Jab ham hi toot jaate hain to mere

khwaab bhi toot jaate hain

Aajkal na jaane kitne tukdon mein mere

armaan toot jaate hain

Is jigar ke har toote huye tukade ki khoj

ab karte rahte hain

Mere khwaab aur mere jigar ke saath sab

jasbaat bhi toote hain