101 Jamaican Love Poems by Denise N. Fyffe - HTML preview

1. Di man for me

As a Jamaican ooman I would like to tink,

There is a Jamaican man who nah go mek mi boat sink;

Him will tek mi by di hand and lead di way,

An won’t run from di danger, him lef mi fi face;

Carry mi to di four corners of di world,

Tell mi every day, I’m his pearl;

Breakfast inna bed would be sublime,

Call mi a di office all di time;

Brag and boast to him frien dem,

How mi rice and peas, mek him waan go a heaven;

Valentine’s Day mi nuh afi ask,

Cause mi knuh mi will get flowers inna vase;

Chocolate and perfume, diamonds and second honeymoon,

Him will brandish him love to mi, an mek mi swoon;

Nuh tink mi nah go treat him well,

Aromatherapy and massage, like maid pon bell;

Love him, consol him and tell him di truth;

When we argue an fight or nuh inna good mood;

Treat him as I would mi savior,

Act like school picknie pon dem best behaviour;

Romance and passion will always be,

Like di fuss day him lay eye pon me;

Tank pupa Jesus every day,

Kneel down a di bedside, hol hand and pray;

Attend church very regular,

Mi di deaconess and him di minister;

Through trials and troubles we will swim

Just so long as we cherish di love within.